Nagpaandam ang Japan batok sa asud-asod nga ginapatigayon nga pagpalupad sang fighter jet sang China nagikam sa Exclusive Economic Zone (EEZ) sang pungsod tubtob sa kalalawran sang pasipiko.
Bilang sabat, nagdeploy ang Japan sang mga military build-up sa mga isla sini sa southwest, kalakip ang pag-deploy sang long-range cruise missiles.
Sang nakaligad nga bulan man nag-test ang Japan sang short-range surface-to-ship missile.
Una na nga gin-akusaran sang Beijing ang Japan nga nagapanilag suno sa ila nga regular military exercise nga sang ulihi ginhingyo nga untaton ini.
Ginsaway man sang Japan ang pagtaas sang presensya sang mga barko nga panggiyera sang China sa kalalawran sang pasipiko kun sa diin nga triple suno diri ang numero sini nga malapit sa Taiwan kag isla sang Yonaguni.
Suno pa sa Japan nga sa mga tinalikdan nga bulan, dungan nga nag-operate ang duha ka Chinese aircraft carriers sa pacific ocean.
Magluwas sa China, ginhatagan man pagtamod sa ulat ang padayon nga pamahog sang North Korea, nga suno sa ila naga-develop sang nuclear missiles kag solid-fuel ICBMs nga mahimo mag-igo sa Japan kag mainland US, basi sa 534 ka panid nga report, kun sa diin ginhatagan man sang pagtamod ang madalom nga relasyon sang militar sang China kag Russia, kag sa nagalala nga tensyon sa Taiwan.
Samtang, nagpatigayon sang 10 ka adlaw nga live-fire military drills ang Taiwan para protektaran ang kaugalingon sa pagpamahog sang pagpanakop sang China.
Dugang pa diri, ginsambit ang aktibo nga military operation sang Russia sa palibot sang Japan, kalakip ang paglapas sa Japanese airspace sang Setyembre sang tinalikdan nga tuig.
