Ginbuyagyag sang Canadian singer nga si Justin Bieber nga na-hack ang Instagram account sini.
Kasunod ini sa naguwa nga isyu nga gin-unfollow sini ang asawa nga si Hailey sa IG.
Sumugod sang makit-an sang mga fans ang pag-unfollow sang singer sa asawa, nagduda ang mga ini nga bulagay na ang duha.
Ulihi nga nakita ang duha nga magkaupod sadtong nakaligad nga semana kaupod sanday Kendall kag Kylie Jenner sa isa ka ice ski resort.
Sa social media sang singer, ginpahayag sini nga nabiktima siya sang cyber hacking kag nabawi sini ang account.
Matapos nga mabawi ang account, gilayon nga gin-follow sini ang iya asawa. Mahibaluan nga ginkasal ang duha sadtong Setyembre 2018 kun sa diin may ara na sila karon sang anak nga lima ka bulan nga si Jack Blues.
