COTABATO CITY – Ginkumpirmar sang Department of Environment and Natural Resources–Community Environment and Natural Resources Office “DENR-CENRO”, ang pag-rescue sang isa ka juvenile nga Brahminy Kite “Haliastur indus” sa Banga, South Cotabato.
Suno kay Maria Elvira Lumayag, OIC regional executive director sang DENR-12, ginbaton sang personnel gikan sa DENR-CENRO Banga ang Brahminy Kite nga naghalin sa opisyales sang Barangay San Vicente.
Bilang kabahin sang pagtinguha sang ahensya sa pagluwas kag pagtipig sang mga kasapatan, ang juvenile raptor ginsaylo sa Regional Wildlife Rescue Center-Region 12 “RWRC-12”, sa Lutayan, Sultan Kudarat, para sa dugang nga pagtimbangtimbang, nagakaigo nga pag-atipan, kag rehabilitasyon.
Samtang ang RWRC-12 nagaserbe nga temporaryo nga dalangpan para sa mga gin-rescue, gin-surrender, kag ginkumpiskar nga mga specie sang wildlife animals sa rehiyon.
Sa karon ang Wildlife specialists sa pasilidad yara sa ikaayong lawas kag kahimtangan sang naluwas nga mga wildlife animals kag nagadeterminar sang ila kahanda para sa pagbuy-an pabalik sa ila kinaugali nga mga puy-anan, nga nagaamot sa pagtipig sang biodiversity kag sa pag-amlig sang tumandok nga mga populasyon sang ilahas nga mga sapat.
Sa karon, ginabantayan sang wildlife specialists sa pasilidad ang kahimtangan kag ikaayong lawas sang na-rescue nga wildlife animals nga samtang ginadeterminar man ang ila kahandaan para sa posible nga pag-release pabalik sa ila natural nga puluy-an, nga nagaamot sa pagtipig sang biodiversity kag sa pag-amlig sang tumandok nga populasyon sang wildlife animals.
