All-set na ang House of Representatives para sa pagbukas sang First Regular Session sang 20th Congress kag joint session sang Congress para sa ika-apat nga State of the Nation Address ni Pangulong Ferdinand Marcos Jr., nga pagiwaton subong nga adlaw, Hulyo 28,2025.
Ginsunod ni House Secretary General Reginald Velasco ang panawagan ni Leyte 1st District Representative Ferdinand Martin Romualdez nga kuhaon ang red carpet fanfare kag fashion coverage agud magpabutyag sang simpatiya sa mga puluyong Pilipino nga apektado sang malapnagon nga pagbaha kag bagyo Crising, Dante kag Emong.
Ginhatagan pagtamod ni Speaker Romualdez nga indi nagakabagay nga magpatigayon sang fashion show sa tion nga kalabanan sa mga pumuluyo ang nagaantos sa kalamidad nga ila naeksperyensyahan.
Una nga ginpanawagan ni Romualdez ang pagpasimple sang SONA.
Bisan si Presidente Ferdinand Marcos Jr nagpa-untat sa pagbutang sang mga tarpaulin nga may kaangtanan sa SONA.
Luyag sang Presidente nga unahon ang pagbulig sa mga pumuluyo.
