ROXAS CITY-Kumpiskado ang kapin sa 790 ka litro nga gasolina gikan sa ginaalegar nagabaligya sang tiningi-tingi nga gasolina sa gintingub nga operasyon sang Bureau of Fire Protection-Pilar Fire Station kag Pilar Municipal Police Station sa Barangay Natividad, Pilar, Capiz.
Sa pagpakig-angut sang Bombo Radyo sa Pilar Municipal Police Station nakuha ang nasambit nga mga gasolina gikan sa negosyante nga si Rudy Bonilla 65-anyos, isa ka negosyante kag residente sang nasambit man nga lugar.
Kalakip sa mga gasolina, nakumpiskar ang 39 ka mga container nga may unod nga tig-20 ka litros nga gasolina kag10 ka botilya nga may unod nga tig isa ka litro nga gasolina.
Natalana naman nga pasakaan sang panumbongon nga paglapas sa P.D. 1865 ukon Illegal Trade of Petroleum Products si Bonilla
