-- ADVERTISEMENT --
ROXAS CITY – May persons of interest na ang kapulisan sa nagluntad nga pagpangawat sa balay sang mag-iloy sa Puente Acuña Subdivision, Barangay Dayao, Roxas City.
Sa pagpakig-angut sang Bombo Radyo kay Police Captain Marvin Balmes, imbestigador sang Roxas City PNP, ginpahayag nga may yara na sila sang persons of interest nga nagsulod kag nagpangawat sa balay nanday Jane kag iloy sini.
Padayon man ang monitoring sang kapulisan sa mga suspek nga ginapatihan yari pa sa syudad.
Suno pa kay Balmes nga ila man ginabantayan ang posible nga pagbaligya sang suspek sa mga alahas nga ila ginpangkawatan.
Matandaan nga ginsulod sang mga suspek ang balay sang mag-iloy kag nataban ang mga alahas, cash kag gadget.
-- ADVERTISEMENT --
