ROXAS CITY, CAPIZ -May yara na sang person of interest ang kapulisan sa pagpatay sa negosyante sa Pontevedra, Capiz.
Ang biktima amo si alyas Lorenzo.
Suno kay PMaj. Gregg Anthony Salbang, hepe sang Pontevedra Municipal Police Station, daan nga hiligut-anon may kaangtanan sa furniture shop sang biktima ang ginalantaw nga motibo sa pagluthang-patay sa iya.
Pahayag sang hepe, nakabulig identify sa suspek ang Closed Circuit Television (CCTV) footage.
Nagapanawagan ang natungdan sa mga nakakita sang insidente nga magpadulong sa kapulisan agud makahatag sang impormasyon.
Nahibaluan nga ginluthang -patay ang biktima sa sulod mismo sang iya furniture shop sang Mayo 31 sa Barangay Rizal.
Nagpakuno-kuno ang suspek nga customer sa diin nagpamangkot pa ini sang presyo sang pwertahan nga ginabaligya sang biktima.
