Sulod na sa finals sang indibidwal all-around kag three apparatus ang Filipino gymnast nga si Karl Eldrew Yulo sa 3rd Artisitic Gymnastics Junior World Championships nga ginhiwat sa Pasay City.
Sa qualifiers, nakarekord si Yulo sang 78,332 points sa bug-os nga apparatus, nga nagtapos sa pang-15th overall.
Naka-qualify man siya sa floor exercise, vault kag horizontal bar finals.
Suno sa iya, apisar nga natuman ang iya handum, wala pa suno sa iya natapos ang hampang, gani maga-improve pa gid siya sa finals.
Ang individual all-around finals ang pagahiwaton sa Sabado samtang ang floor exercise finals naman ang pagahiwaton sa Domingo kag ang horizontal bar finals ang pagahiwaton sa Lunes.
Nahibaluan nga si Karl Eldrew ang utod sang double Olympic Gold medalist nga si Carlos Yulo nga nakalantaw man sang hampang sang iya utod.
