Nagapabilin sa gihapon nga suspendido ang klase sa mga buluthuan kag ang trabaho sang tagsa ka mga empleyado sa Hong Kong bangud sa pagpanglaslas sang super typhoon nga Ragasa.
Sa interview sang Bombo Radyo kay Bombo Virginia Banate, International Correspondent derekta sa Hong Kong, iya ginpahayag nga ginpapanaog na sa subong sa Signal No. 8 ang lebel sang kabaskugon sang bagyo sa amo nga pungsod.
Suno kay Banate, sa bahin sang syudad, wala sang tuman nga pagbaha, apang sa probinsya nga bahin kag lowlabnd areas, nakaeskpersyensya sang tuman nga mga pagbaha bangud sang bagyo.
Pahayag pa nya, pag-abot sa sitwasyon sang mga Overseas Filipino Workers, yara naman ang tagsa-tagsa sa maayos nga kahimtangan.
Dugang pa sang natungdan, padayon nga nagapahanumdom ang mga otoridad kag sa gihapon ginadumilian pa sila nga maglaray sa palibot.
Ginalauman bwas nga adlaw nga mapapanaog na sa Signal No. 3 ang lebel sang kabaskugon sang nasambit nga bagyo.
Interviewed by Bombo Francis Biñas
