Ginpanindugan ni Center for International Law President Atty Joel Butuyan nga kulang ang basehan sang balita angot sa subong nga kondisyon sang ikaayong lawas ni anay Presidente Rodrigo Duterte, nga amo ang rason sang pagka-delay sang kumpirmasyon sang mga panumbungon nga pagahiwaton kuntani sa Setyembre 23.
Suno kay Butuyan, sa mga nakaligad nga interview sang mga kabataan sang anay opisyal, partikular na si Vice President Sara Duterte, nabuyagyag nga maayo ang kahimtangan sang anay presidente sa sulod sang detention center.
Pahayag pa sini, ini nga mga tikang ang isa lamang sa ila mga ‘baseless claims’ agud masiguro ang interim release gikan sa International Criminal Court (ICC).
Dugang pa ni Butuyan, nakahibalo ang anay presidente sa nagakatabo subong kag sa iya nahimo rason nga nagapati ini nga ‘delaying tactics’ lang ang ginahambal sang defense team matapos ginpanginwala ang ila nauna nga mga mosyon.
Samtang, kasunod sini, ginpahayag sang natungdan nga isa man ka political move ang pag-apelar ni Nicolas Kaufman, legal counsel ni anay Presidente Duterte kay Presidente Ferdinand Marcos Jr.
Ginpahayag sini nga padayon nga ginagamit sang Duterte side ang interes sang diehard Duterte Supporters (DDS) agud magdaug sa palaabuton nga 2028 national elections.
