ROXAS CITY – Nagalaum ang konseho sang Barangay Dayao, Roxas City nga masolusyunan na ang problema sa pagbaha kag guba nga drainage bangud sang ginakaayo nga karsada sa nasambit nga lugar.
Ini ang ginpahayag ni Punong Barangay Emily Ariza sang mainterview sang Bombo Radyo.
Suno kay Ariza, nga ila na nga napalab-ot sa City Engineer’s Office kag Department of Public Works and Highways (DPWH) ang problema sa pigado nga drainage bangud sa ginakaayo nga karsada.
Ini ang nagaresulta sa pagbaha ilabi na sa pagbubo sang mamunog nga ulan nga dako nga houl sa mga residente.
Mahibaluan nga base sa obserbasyon sang Bombo Radyo News Team nga ginpanghulog lamang ang nabilin nga mga buga sa ginakaayo nga karsada sa mga drainage nga nagresulta sa pagbun-od kag indi pag-ilig sang tubig rason nga nagabaha.
Suno kay Aira nga madugay na nila nga problema sa lugar ang pagbaha ilabi na kun mag-ulan bangud sang pigado nga drainage.
Suno diri nga dako ini nga houl para sa ila apang kasubong wala gid ini gina-aksiyunan.
Suno naman kay Manong Toto, magluwas sa problema sa pagbaha, dako man nga problema ang utod nga ginakaayo nga karsada nga masami ginaluntaran sang aksidente bangud wala sang early warning device.
