Nakuha sang Korean cyclist nga si Joo Dae Yeong ang 2025 Tour of Luzon championship matapos ang mainit nga away sa Stage 8 nga natapos sa Camp John Hay, Baguio City sadtong Mayo 1.
Sa pihak sang pagkaguba sang iya likod nga goma, nakarekord si Joo sang oras nga 4:21:31 sa 177.54-kilometer race halin sa Lingayen, Pangasinan.
Sa kabug-usan, nakarekord si Joo sang oras nga 22:21:08 sa walo ka stages sang palumba nga nagsakop sa Ilocos Norte, Ilocos Sur, La Union, Tarlac, Pampanga, Pangasinan, kag Benguet. Nakakuha ini sang P1 million bilang premyo kag napabilin ang yellow jersey halin sa umpisa tubtob sa katapusan bisan pa nga tatlo sa apat niya ka mga kaupdanan ang nadisgrasya sa Stage 6.
Si Jan Paul Morales ang nagtapos sa ikaduha nga pwesto nga may kabug-usan nga oras nga 22:21:14, anum lang ka segundos sa likod ni Joo. Apisar nga nagahinulsol, nalipay sa gihapon si Morales sa iya pagbalik matapos nga nadisgrasya sa una nga hugnat.
Samtang ginkakibot naman ni Joshua Pascual ang tanan paagi sa pagdaug sa Stage 8 kag ginhingadlan nga “Eagle of the Mountain”.
Ang 2025 Tour of Luzon ang isa sa ginahulat nga bicycle race sa maragtas sang pungsod.
