Presohan ang ginsudlan sang isa ka lalaki nga ginakabig Street Level Individual (SLI) matapos nadakpan sa ginkasa nga drug buy bust operation sa Barangay San Nicolas, Pilar, Capiz.
Ginkilala ang drug suspect nga si alyas Pajo, 50-anyos kag residente sang Barangay San Esteban, Pilar, Capiz.
Nakuha sa paghinakop ni Pajo ang tatlo ka sachets sang ginapatihan shabu nga may kabug-aton mas ukon menus tatlo ka gramos nga may standard drug price nga P20,400, nakuhaan man ini sang caliber 38 revolver nga armas-luthang, duha ka bala kag kapin P2,500 nga boodle money sa nagkalain-lain nga denominasyon.
Ang amo nga operasyon ang ginkasa sang mga katapo sang Pilar PNP.
Magapangatubang sa panumbongon nga paglapas sa RA. 9165 ukon Comprehensive Dangerous Drugs Act of 2002 kag RA 10591 ukon Comprehensive and Ammunition Regulation Act.
Sa karon, yara na ang suspek sa kustodiya sang Pilar MPS para sa nagakaigo nga disposisyon.
