Arestado ang isa ka lalaki nga ginkabig Wanted Person matapos ginserbihan sang mandamiento de aresto sang katapo sang kapulisan sa Pueblo de Panay Barangay Lawaan Roxas city.
Ginkilala ang akusado kay alyas “Ace ” 39-anyos kag residente sang Barangay Cagay Roxas City.
Mahibaluan nga nagapangatubang ini sa kaso nga paglapas sa Republic Act 9165 ukon comprehensive dangerous drugs act of 2002.
Ang warrant of arrest ang ginpapanaog kag ginpermahan ni Hon. Joy Rubi Infante Guilot, Presiding Judge, Regional Trial Court (RTC), Branch 18, Roxas City nga napetsahan sadtong march 24 2025.
Wala naman sang pyansa ang ginrekomendar ang Korte para sa temporaryo sini nga kahilwayan.
Sa karon, yara na ini sa paghinakop sang Roxas City Police Station para sa nagakaigo nga disposisyon.
