Lalaki, nasapwan-patay sa sulod sang iya hulot

ROXAS CITY – Patay na sang nasapwan ang 68 anyos nga lalaki sa sulod sang iya nga hulot sa Barangay Poblacion Sua, President Roxas, Capiz.

Ginkilala ang biktima kay Rolando Corros, residente sang nasambit man nga lugar.

Suno sa imbestigador sang President Roxas PNP nga si Senior Police Officer 2 Herman Fuentes, wala man sang nakit-an nga mga pilas sa lawas sang biktima nga nagapatimaan nga ginsakit ini.

Nagapati naman ang pamilya sang biktima nga wala sang foulplay sa kamatayon sang ila nga himata.

Ginapatihan nga gin-atake sang iya balatian nga athma ang biktima nga gintunaan sang iya nga kamatayon.