ROXAS CITY – Wala nakasalbar sa kamatayon ang 51-anyos nga lalaki samtang ginabulong sa ospital matapos nga bumunggo ang ginamaneho nga motorsiklo sa isa ka pampasahero nga jeepney sa Barangay Bolo sini nga syudad.
Ginkilala ini kay Edmund Manalo Delfin residente sang Brgy. Capagao, Panit-an Capiz.
Matandaan sa nangin imbestigasyon sang mga katapo sang Roxas City PNP ginpahayag nga samtang ginasubay sang jeep ang dalanon gikan sa syudad padulong sa Brgy. Lanot, hinali nalang ini nga nagliko rason nga bumunggo diri ang nagasunod nga motorsiklo nga ginamaneho ni Delfin.
Bangud sa impact, nag-angkon sang patal nga pilas sa ulo kag magkatuhay nga parte sang kalawasan si Delfin nga gintunaan sang iya kamatayon.
Sa karon, yara na sa punerarya ang bangkay sini.
