-- ADVERTISEMENT --
Arestado ang isa ka lalaki matapos ginserbihan sang warrant of arrest sa Barangay Duyoc, Dao, Capiz.
Ang wala na ginhingadlan nga akusado ang nagapang-edaron sang, 46-anyos nga residente sang nasambit nga lugar.
Sa impormasyon nga nakuha sang Bombo Radyo, nagapangatubang ang amo nga akusado sa kaso nga homicide.
Ang warrant of arrest ang ginpapanaog kag pirmado ni Hon. Juliana C. Azarraga, Presiding Judge, RTC, 6th Judicial Region, Branch 15, Roxas City nga napetsahan sadtong Disyembre 19, 2007.
Ginrekomendar naman sang korte ang piyansa nga P40,000 para sa temporaryo sini nga kahilwayan.
-- ADVERTISEMENT --
Sa karon, yara na ini sa paghinakop sang Capiz Rehabilitation Center (CRC) para sa nagakaigo nga disposisyon.
