Isa ka lalaki sa Poland nga bulag sa sulod sang 20 ka tuig ang hinali nga nakakita liwat pagkatapos mabungguan sang salakyan!
Si Janusz Goraj ang nadulaan sang panulok 23 years na ang nakaligad, bangud sang grabe nga pag-atake sang iya allergy. Sugod sadto, ang iya wala nga mata nangin bulag, samtang ang iya tuo nga mata makakita lamang sang landong.
Sang 2018, samtang nagatabok sa dalan sa Gorzów Wielkopolski, nabungguan siya sang salakyan kag naigo ang iya ulo sa hood, nagbunggo ini sa aspalto kag nabali ang tul-an sa iya hawak.
Gilayon ini nga gindala sa ospital kag ginpaidalum sa operasyon bangud sa iya pilas sa hawak. Wala sia makahibalo, ang aksidente mahimo tawgon nga isa ka “blessing in disguise”.
Sa sulod sang iya duha ka semana nga pagtener sa ospital, nagbugtaw sia isa ka aga nga bukas liwat ang iya mga mata.
Wala sang isa nga makasiling kon paano nagbalik ang panulok ni Goraj. Madamo ang nagsiling nga mahimo ini bangud sang pilas sa ulo, apang ang iya doktor nagduda nga ang mataas nga dosage sang anticoagulant medicines nga ginhatag sa iya pagkatapos sang iya operasyon amo ang posible nga kabangdanan sang pagbalik sang iya panulok.
Pila ka mga eksperto sa medisina ang nagpangayo sang pahanugot kay Goraj nga tun-an ang iya milagruso nga pagbalik sang iya panulok, apang nagpamalibad siya.
Sa subong, normal ang pangabuhi ni Goraj kag nagatrabaho bilang security guard sa ospital kun sa diin nagbalik ang iya panulok.
