ROXAS CITY – Pilas sa tiyan kag nawala nga butkon ang naangkon sang 51-anyos nga lalaki matapos nga nabun-an sang wala makilala nga suspek, samtang nagalakat sa Sitio Vizcaya Ville, Brgy. Vizcaya, Presidente Roxas, kagab-i sang Sabado.
Ginkilala ang biktima kay Daniel Saura, kag residente sang Barangay Badiangon, sa amu nga banwa.
Sandig sa inisyal nga imbestigasyon ni PCpl. Norman Delfin, imbestigador sang President Roxas MPS nga nagalakat ang biktima sa blk 19 lot 36 sa amu nga pabahay, sang may nagkumpronta sa iya nga lalaki kun maano ini, ginsabat man ini sang biktima nga maagi lang.
Apang hinali ini ginbuno sang suspek nga madasig nagdalagan sa wala mahibaluan nga direksyon.
Gilayon nga ginpadangat sang mga katapo sang ALERT ang biktima sa Bailan District Hospital, apang gin-transfer ini sa Roxas Memorial Provincial Hospital (RMPH).
Sa karon, ginahibalo pa sang mga kapulisan kun ano ang motibo sa insidente.
