Lalaki nga wanted sa kaso nga Grave Threat, arestado sa Barangay Milibili

ROXAS CITY – Arestado ang isa ka wanted nga persona matapos ginserbihan sang warrant of arrest sang mga kapulisan sa Barangay Milibili, Roxas City.

Ginkilala ang naaresto nga si Alex Almasol, residente sang nasambit man nga lugar nga akusado sa kaso nga Grave Threat.

Ang warrant of arrest batuk sa akusado ang ginpapanaog kag ginpirmahan ni Judge Esperanza Isabel Poco-Deslate sang Regional Trial Court, Branch 19, Roxas City sadtong Pebrero 17, 2020.

Ginrekomendar sang korte ang P36, 000 nga piyansa para sa temporaryo nga kahilwayan sang akusado nga nakahunong na karon sa karsel sang Roxas City Police Station.