Lalaki pilason matapos ginbuno sa Barangay Bailan, banwa sang Pontevedra

ROXAS CITY – Pilason ang isa ka lalaki matapos mabun-an sang wala pa matumod nga suspetsado sa National Highway Barangay Bailan, Pontevedra, Capiz, kagina sang maga-aga.

Ginkilala ang biktima kay Alfredo Atenado residente sang Barangay Talon, Roxas City.

Sa pagpangusisa sang Bombo Radyo, nagalakat lakat ang biktima sang gindalidali sang suspek kag ginbuno sa likod.

Ginpadangat sa Bailan District Hospital ang biktima apang gin-transfer sa ospital sa syudad para sa nagakaigo nga pagbulong.

Nagapadayon pa ang imbestigasyon sang mga kapulisan sa nasambitan nga insidente.

Nahibaluan nga may ginhiwat nga binayle kagab-i sa nasambit nga lugar.