ROXAS CITY – Pilason ang isa ka lalaki matapo ginlabo sang iya kalapit-balay sa Barangay Mangoso, Sigma, Capiz.
Ginkilala ang biktima kay alyas “Dodo”, 46-anyos, samtang ginkilala naman ang suspek kay alyas “Fred”, yara sa legal nga pang-edaron kag lunsay mga residente sang nasambit nga barangay.
Sandig sa inisyal nga impormasyon nagikan sa Sigma PNP, nagpangakig ang suspek matapos nga ginapahayag ginsita sini ang bata sang biktima samtang ini ang naga-videoke rason nga ini ang nagkadto sa balay sang mag-amay.
Ginapahayag nga may natabo nga pagbinaisay sa magtimbang nga bahin tubtob nga ginlabo sang suspek ang biktima.
Madasig naman nga nagpalagyo ang suspek samtang nag-angkon sang pilas sa sag-ang ang biktima nga gilayon naman nga gindapatan sang pauna nga pagbulong kag ginpadangat sa ospital.
Sa karon nagapadayon ang imbestigasyon sang mga kapulisan angut sa insidente.
