Nagluntad ang landslide sa Sitio Proper Barangay Lawaan, Roxas City kadungan sang pagbubo sang ulan kaina tuga sang bagyo Opong.
Sa interview sang Bombo Radyo kay Punong Barangay Jocelyn Asis, iya ginpahayag nga nagbululigay ang bug-os nga miyembro sang iya barangay kaupod ang City Disaster Risk Reduction and Management Office sa pag-assist sang mga pumuluyo padulong sa evacuation center.
Suno kay Asis, pisible nga naghumok ang duta tuga sang sige-sige nga bubo sang mamunog nga ulan.
Pahayag niya, gilayon naman nga ginhatagan sang pagkaon ang mga evacuees.
Dugang pa sang natungdan, sa tion nga maglain liwat ang tyempo, bukas ang ila talatapan kag mga designated evacuation center sa pagbaton sang mga luyag magtinir bangud sa kakugmat tuga sang bagyo.
