Indi lang isa ka babaye nga pulis kundi isa man ka Good Samaritan matapos nga ginbuligan ang isa ka bag-o bun-ag nga lapsag nga ginbilin sa San Andres, Catanduanes.
Ang lapsag una nga nakita sang isa ka concerned citizen nga nakaputos sa raincoat kag ginbilin sa idalom sang puno sang paho sa Sitio Lawag, Barangay Lictin.
Gilayon nga gin-rescue sang team sang San Andres Municipal Police Station, upod ang Municipal Social Welfare and Development Office kag Municipal Disaster Risk Reduction and Management Office.
Sa amo nga operasyon, nagpakita sang espesyal nga pag-atipan si Patrowoman. Shiela Mae Rodriguez sang Catanduanes Police Provincial Office matapos nga ginpa-breastfeed ang lapsag agud nga gilayon nga mahatagan sang nutrisyon samtang ginahulat ang dugang nga medical attention.
Ang iya ginpakita nga kaayo kag pagpalangga sa lapsag ang naghatag sabng inspirasyon sa madamo nga tawu ilabi na subong nga ginaselebrar ang National Women’s Month.
