Nagpatigayon sang Simulation Exercise ang law enforcement agencies sa Pueblo de Panay, Roxas City.
Sa interview sang Bombo Radyo kay, Police Chief Master Sergeant Ramil Arcangeles, Public
Informatiion Officer sang Roxas Component City Police Station, iya ginpahayag nga ginpanguhan nila ang simulation exercise kaupod ang Bureau of Fire Protection (BFP), City Disaster Risk Reduction and Management Office (CDRRMO), Scene of the Crime Operations (SOCO), Special Weapons and Tactics (SWAT).
Suno kay Arcangeles, ang simulation exercise isa ka ka training activity nga daw kaangay sang matuod nga hitabo kaangay sang pagpangluthang, pagpangbomba, ukon hostage crisis.
Katuyuan sini nga hanason kag mapasangkad ang kahandaan sang law enforcement officer, madasig nga pagresponde kag koordinasyon.
Sa ginpatigayon nga simulation exercise, nagpalupok man sang replica sang granada kag gilayon man ginlagas ang mga suspek tubtob nga nadakpan.
