-- ADVERTISEMENT --
Naglab-ot na sa 38 ang kaso sang leptospirosis sa Capiz, mas mataas kumpara sa 29 ka kaso nga narecord sang nagligad nga tuig.
Sa interview sang Bombo Radyo kay Joeffrey Espiritu, Public Information Officer sang DOH-Capiz, iya ginpahayag nga sa amo nga numero, lima na ang nabalhag nga napatay bangud sa leptospirosis.
Ginapahanumdom man sini ang ang publiko nga likawan ang paglusong ukon pagtubog sa tubig-baha, bangod posible nga may yara ini kontaminasyon sang leptospirosis nga bacteria nga naghalin sa ihi sang mga sapat, ilabi na ang mga ilaga.
Nagpanugyan man ini sa publiko nga mag-gamit sang botas ukon nagakaigo nga proteksyon sa tiil kon kinahanglan gid nga magtubog sa tubig- baha, agud malikawan ang amo nga balatian.
