Patay na sang nasapwan ang lima ka tuig nga bata nga may pilas sa liog sa sapa sa Argao, Cebu.
Ang suspek sa pagpatay sa biktima amo ang walo ka tuig sini nga pakaisa.
Base sa imbestigasyon sang kapulisan, nagaguwa nga indi hungod nga ginhimo sang lamharon nga suspek ang natabo sa iya pakaisa.
Nahibaluan nga sang Miyerkules sang hapon, naglaong ang biktima nga magpadulong sa sapa agud magdakop sang kuhol kaupod ang iya pakaisa.
Apang makaligad ang duha ka oras, nagpauli ang suspek nga wala ang biktima. Sang ginpamangkot kon diin ang biktima, wala ini nakasabat.
Suno kay Police Executive Master Sergeant Vivian Tamayo, hepe sang Women and Children’s Protection Desk (WCPD) sang Argao Police Station, ginpahayag sang suspetsado nga nagahampang sila sang biktima sang ginpangabay sini nga Kaluton ang niya sin inga likod.
Apang sa baylo nga kaluton ang iya likod, ginaalegar nga ginsipa pa ini sang biktima.
Bangud sa kaakig, ginpahayag nga gintiklod sang suspek ang biktima kag nalipatan niya nga may gina-uyatan ini nga cutter nga naigo sa liog sang biktima rason nga nahulog ini sa tubig.
Sa kahadlok sa iya ginhimo, ginbayaan niya ang biktima kag naglakat.
Ginapahayag nga nagpangayo sang pasaylo ang suspek sa pamilya sang biktima.
Gindala sa Municipal Social Welfare and Development Office ang suspek, upod ang WCPD para sa intervention at rehabilitation
Nag-apelar naman sang bulig sa gasto sa lubong ang pamilya sang biktima.
