Lola, nangin malipayon sa una nga adlaw sang klase sang iya nga apo

Nangin malipayon ang isa ka lola sa una nga adlaw sang klase sang iya apo sa President Manuel Roxas Memorial School-South, Roxas City, Capiz.

Sa interview sang Bombo Radyo kay nanay Josephine Pionelo, ginpahayag nga Kinder 2 na ang iya sini nga apo subong nga school year, nga kun sa diin siya ang naga dul-ong –sugat sumugod nga nag-eskwela ini.  

Dugang pa sini nga kun sang una tuman ang hilibion sang iya apo bangud nga gusto sini nga ara sa iya luyo apang subong kaangay nga ginapalakat niya si nanay Josephine.

Nahibaluan nga opisyal nga nagbukas subong nga adlaw, Hunyo 16, 2025 ang school year 2025-2026 sa pungsod.

Samtang, madamo naman ka mga enrolles ang nag pa enroll sa subong nga tuig.

With a report from Bombo Jessa Mae De Los Santos