Arestado ang isa ka lolo matapos molestyahon ang kaugalingon nga apo sang 105 ka beses sa Allacapan, Cagayan.
Sandig sa report sang kapulisan, ang amo nga senior citizen ang ginakabig nga No.3 most wanted person sang Cagayan Valley pinaagi sa warrant of arrest nga gin-issue sang korte sa kaso nga 105 counts sang rape, 105 counts sang sexual assault kag 3 counts sang acts of lasciviousness.
Ang biktima amo si alyas Anna, 12-anyos ang edad kag residente man sang amo nga lugar.
Suno kay Anna, tuig 2020 nag-umpisa ang pagpang-molestiya sa iya kag nakabatyag ini sang tuman nga kahadlok sa pagsugid sa iya sini lola kag ginikanan bangud sa pamahog sang iya lolo nga pagapatyon sila.
Nahibaluan nga naga-istar ang biktima sa balay sang iya lolo kag lola bangud may tagsa na ka pamilya ang iya sini mga ginikanan.
Bangud indi na matakuran sang biktima ang kahayukan sang iya lolo, nagtuad na ini sa iya nga iloy nahanungod sa pagpang-molestiya nga ginahimo sa iya.
Gilayon man nga nagpabalhag ang amay sang biktima kag madasig man nga nadakop ang amo nga suspek.
Sa subong, nakahunong na ini sa presuhan kag magapangatubang sang kaso kriminal.
