ROXAS CITY – Pormal na nga nagpungko bilang bag-o nga chief of police sang Roxas City Police Station si Police Lieutenant Colonel Ricardo Jomuad.
Ini ang kasunod sang opisyal nga turn-over of command ceremony bangud sang pagbiya na ni Police Colonel Dante Tayco.
Ang nasambit nga seremonya ang gintambungan mismo sang alkalde sang siyudad nga si City Mayor Ronnie Dadivas kag ni Capiz Police Provincial Office (CPPO) Director Police Superintendent Canilo Fuentes.
Sa interview sang Bombo Radyo, ginpahayag ni Tayco nga tuman ang iya nga pagpasalamat sa mga personnel sang Roxas City PNP bangud sang suporta kag kooperasyon sa mga programa nga iya ginpatuman.
Ginpabugal pa sini ang kadalag-an sang iya liderato matapos makuha ang Best Police Station – Component City nga pasidungog.
Mahibaluan nga magapaidalom sa masobra isa ka tuig nga schooling si Tayco sa Davao.
Photo from: RCCG
