MAAYON, CAPIZ- Ginpatpat sang hepe ang Maayon Municipal Police Station ang mga accomplishments sang ila nga talatapan sa banwa sang Maayon, Capiz halin Enero tubtob Hunyo 2025.
Sa interview sang Bombo Radyo kay Police Majoy Syril Punzalan, Hepe sang Maayon Municipal Police Station, iya ginpakigbahin ang mga accomplishments sang ila nga talatapan sa diin nakarekord sila sang manubo nga crime rate subong nga tuig ikumparar sang tinalikdan nga tuig 2025 sa pareho nga binulan.
Sa crime incidents, ginakalakipan ini sang mga masunod; Robbery, sa subong nga anom ka bulan sang tuig, 0 ang ila nga record ikumpara sang tinalikdan nga tuig sa kapareho nga timeline nga may yara sang pito (7). Sa Theft, isa (1) sa karon, duwa (2) sang tuig ka gang kaso sang Vehicular accident sa ila nga banwa nagtaas sa walo (8).
Dugang pa sini, natigayon naman nga naaresto subong nga tuig sa anom ka bulan ang lima (5) ka mga indibidwal sa lima (5) man ka serye sang Search Warrant Operation sa diin nga ang nagkaladakpan ang nakalapas sa Republic Act 10591 ukon ‘Comprehensive Firearms and Ammunition Regulation Act’, Republic Act 9516 ukon ‘Unlawful Manufacture, Sales, Acquisition, Disposition, Importation or Possession of an Explosive or Incendiary Device’ kag Republic Act 9165 ‘Comprehensive Dangerous Drugs Act of 2002’.
Nagapadayon man suno sa iya ang barangay visitation program sang ila nga talatapan sa 32 ka mga barangay sang Maayon, agud nga mahatagan sang ihibalo ang mga pumuluyo may kaangtanan sa pagtapna sang mga ilegal nga aktibidad.
Hugot naman ang bug-os nga suporta sang mga kapulisan sang Maayon Municipal Police Station sa mandato sang Philippine National Police nga 5-minutes response sa diin nga amo gid ang ila nga ginatinguhaan nga maimplementar bangud may mga mabudlay sila nga sudlon nga mgfa kabaranggayan bangud nga mga upland areas ini.
Nagapalab-ot naman sang pagpasalamat si Punzalan sa mga pumuluyo sang Maayon sa ila nga kooperasyon kag suporta sa mga programa sang kapulisan. Ang mga kadalag-an sang kapulisan naghatag man sang importansya sang pagbinuligay sang tagsa-tagsa agud mapabilin ang kalinong kag katawhay sa banwa.
Interviewed by Bombo Francis Biñas & Bombo Sunnie Mae Batencila
