Gitamyaw ni Speaker Ferdinand Martin G. Romualdez si Pangulong Ferdinand Marcos, Jr. sa madinalag-on kag produktibo nga pagtambong sini sa ika-44 kag ika-45 ASEAN Summits and Related Summits nga ginpatigayon sa Laos.
Suno kay Speaker Romualdez, ang istratehiko nga diplomasya sang Pangulo, nagresulta madinalag-on para sa pangpungsudnon nga interes, partikular sa pagpabakos sang suporta sa panawagan sang pungsod nga ipatuman ang international law, partikular ang UNCLOS kag ang malinong nga pagreolba sang mga isyu sa South China Sea.
Gindugang pa sini ang kontribusyon ni Pangulong Marcos agud mapsugot ang mga miyembro sang ASEAN agud palawigon ang kooperasyon sang pang-ekonomiya nga magahatag sang madamo nga trabaho para sa mga Pilipino.
Kadungan sang pagpakighinala sa SHERA Public Company Ltd. sa sidelines sang ASEAN Summit, gin-anunsyo ni Pangulong Marcos ang plano sang kompanya nga
magapain sang P2.9-B nga capital sa Pilipinas kag makapatukod sang fiber cement building materials para sa lokal nga merkado kag mangin pang-export.
Gindugang man sini ang importante nga papel nga gintindugan ni PBBM sa mga pagtakalay nga magapabaskog sang kolektibo nga pagsabat sang ASEAN sa isyu sang kalamidad, nga isa man sa isyu nga kritikal sa Pilipinas.
