Sa tion nga mainit ang panahon, ilabi na kung summer madamo ang luyag nga mag-inum sang malamig nga tubig.
May yara man sang pila ka mga indibidwal nga malamig man ukon mainit ang tion, indi kumpleto ang isa ka pagkaon kung indi maparisan sang pag-inum sang malamig nga tubig.
Apang, nakahibalo ka bala ka-bombo, nga suno sa mga eksperto may malain nga epekto sa lawas ang masami nga pag-inum sang malamig nga tubig.
Una, nakapahinay ini sa digestion ukon pagtunaw sa kinaon kag nagaresulta sang constipation bangud ang malamig nga temperatura nagapahugot sa blood vessel kag sa tion nga indi natunaw sang intsakto ang pagkaon, wala na-absorb sang intsakto sang lawas ang sustansya sini.
Ika-duha, ginapahinay sini ang pagpitik sang tagipusuon bangud ang malamig nga temperatura, nagapanubo sa heart rate, bangud ang vagus nerve sa likod sang liog na-apektuhan sa gulpi nga pagtulon.
Ika-tatlo, nagapadugang ini sa bug-at bangud nagapatig-a ini sang tambok sa lawas, kag ang katapusan, malain ini sa tuntunlan kag nagaresulta sang pagsakit sang atun nga ulo.
Gani ka-bombo, likawan ang pag-inum sang masami nga tubig agud malikawan ang mga nasambit nga indi manami nga resulta sa atun ika-ayong lawas.
