Nadugangan pa ang mga kongresista nga nagpirma sa ika-apat nga impeachment complaint batuk kay Vice Pres. Sara Duterte.
Ini ang ginpahayag nanday House Assistant Majority Leader Zia Alonto Adiong, kag Rep. Rodge Gutierrez, nga isa sa mga miyembro sang House Prosecution Team.
Pahayag sang mga mamalidha nga may mga kaupdanan sila nga luyag pa nga maglagas para mangin complainant sa reklamo sang impeachment batuk sa bise presidente.
Samtang, ang desisyon kun ilakip pa ukon indi ang mga nagalagas ang naka-depende sa rules sang Senado, nga magatindog bilang impeachment court.
Sa karon, yara sa 215 ang orihinal nga nagpirma kag endorsers sang nasambit nga impeachment complaint, lapas ini sa requirement nga 1/3 sang bug-os nga miyembro sang Kamara para mapa-impeach ang bise presidente kag mapasaka ini sa Senado.
