Nag-apela si House Deputy Minority Leader Leila de Lima sa pamunuan sang Bureau of Jail Management and Penology (BJMP) agud siguraduhon ang kaluwasan sang inmate nga si Ramil Lagunoy Madriaga. Ang apela ginhimo kasunod sang pagpagwa sang ginsumpaan nga salaysay ni Madriaga nga naga-unod sang mga mabug-at nga mga panimangod batok kay Vice President Sara Duterte.
Suno kay De Lima, bilang isa ka preso sa kustodiya sang estado, may obligasyon ang BJMP nga siguraduhon ang kaluwasan kag seguridad ni Madriaga.
Sa isa ka news forum, gin-ako sang mamalidha nga indi niya masigurado kun may direkta nga pagpamahog sa kabuhi sang inmate, apang ginsiling sini nga kinahanglan ini nga seryosohon sang mga otoridad.
Gin-athag ni De Lima nga samtang ginahimo sa idalom sang pagpanumpa ang affidavit ni Madriaga, luyag niya nga siguraduhon anay ang mga detalye antes maghimo sang ano man nga opinyon.
Ginsigurado niya nga mangin mahalong sa paghusgar sa mga sensitibo nga butang. Si Madriaga ang sa subong nakahunong sa isa ka pasilidad sang BJMP sa Bicutan, Taguig City.
