MAAYON, CAPIZ – Arestado ang isa ka mangunguma matapos ang gin-implementar nga search warrant sang katapo sang Maayon PNP, Capiz PPO-PIU kag 1st Capiz PMFC sa Sitio Tawagon, Brgy. Carataya, Maayon, Capiz.
Ginkilala ang arestado nga si alyas Toto, 42-anyos nga residente sang nasambit nga lugar.
Nakuha sa paghinakop ni alyas “Toto” ang isa (1) ka unit sang12 gauge homemade shotgun “Pugakhang, isa (1) ka unit sang PTFA MG CO HARTFORD CONN USA DETECTIVE SPEC . 38 Special CTG caliber revolver, tatlo (3) ka mga bala sang .38 caliber kag isa (1) ka bala sang 12 gauge shotgun.
Ang search warrant ang ginpermahan kag ginpapanaog ni Hon. LORENCITO B. DIAZ, Executive Judge, Regional Trial Court, 6th Judicial Region, Branch 17, Roxas City Capiz nga napetsahan Pebrero 18, 2025.
Nagapangatubang ang arestado sang kaso nga paglapas sa RA 10591 ukon Comprehensive Firearms and Ammunition Regulation Act.
Nagapabilin ini sa karon sa Maayon PNP kag natalana nga i-turn over sa korte para sa nagakaigo nga disposisyon.
