Naghinay sa 0.3% ang pagtaas sang Producer Price Index (PPI) para sa manufacturing sang Oktubre 2025, nga naglab-ot sa 98.8 points, sandig sa datos sang Philippine Statistics Authority (PSA). Ginpakusog ang sektor sang produksyon sang isa ka cola brand, refined petroleum products, transport equipment, kag basic metals.
Mas mahinay ang pagdabong kun ipaanggid sa 0.8% sang Setyembre bangud sa maluya ang output sang computer, electronic, kag optical products—nga nagbug-os sang 56% sang kabilugan nga paghinay.
Subong man, nagapabilin nga optimistic si RCBC chief economist Michael Ricafort, nga ginalauman nga magaayo ang output sa mga masunod nga bulan bangud sa seasonal demand subong nga holiday season kag manageable nga inflation, nga mahimo maghatag sang dalan sa pagnubo sang key policy rates sang Bangko Sentral ng Pilipinas.
Samtang, nagnubo ang S&P Global Manufacturing Purchasing Managers Index (PMI) sang pungsod sa 47.7 points sang Nobyembre bangud sa weather disturbances, mas mataas nga US tariffs, kag investor concerns kaangut sang mga imbestigasyon sa flood control anomalies.
Suno kay Federation of Philippine Industries (FPI) chair Beth Lee, ang pagluya sang Purchasing Managers Index (PMI) ang tuga sang mahinay nga demand, pagnubo sang export orders, kag mga aberya nga tuga sang panahon.
