Manunudlo, patay matapos ginluthang sang iya bana nga pulis

Patay ang isa ka manunudlo matapos ginluthang sang iya bana nga police officer sa isa ka kindergarten sa Chonburi, Thailand.

Ginpahayag sang mga opisyal nga luwas ang tanan nga kabataan sa eskwelahan, bangud wala sang estudyante nga nakasaksi sang insidente.

Nag-abot ang suspek sa eskwelahan pasado alas 10:30 sang aga kag gin-istorya ang iya asawa antes ginluthang sa guwa sang hulot-klasehan.

Matapos ang insidente, nagpauli ang suspek, kon sa diin ginpalibutan ini sang mga kapulisan samtang ginahingyo nga mag-surrender.

Ini nga hitabo ang nagtuga sang bag-o nga alarma sa Thailand, nga isa sa mga pungsod nga may mataas nga lebel sang gun ownership sa rehiyon.