Naglapta ang espekulasyon kag huring-huring sa posible nga problema sa relasyon nanday Mark Herras kag Nicole Donesa matapos natalupangdan sang mga fans nga nag-unfollow sila sa isa kag isa sa Instagram.
Una diri, nag-post sang video si Mark nga nagapakita sa iya nga nagahibi, nagapanigarilyo, kag naga-isahanon, nga nagtuga sang kabalaka sa iya kahimtangan gikan sa mga fans kag mga kaupod nga artista.
Natalupangdan man ang mga komento sa iya Instagram page nga tama ka limitado.
Samtang, ang pinakaulihi naman nga post ni Nicole nahanungod sa iya isa ka bulan nga progress sa iya nga weight loss journey.
Matandaan nga si Mark kag Nicole may duha ka kabataan, kag ginkasal sa isa ka civil wedding sang Septyembre tuig 2021.
Sa subong, wala pa ang opisyal nga pahayag ang duha nahanungod sa ila nga relasyon.
