Plano nga ipatuman sang Department of Trade and Industry (DTI), ang mas hugot nga ‘monitoring’ sa mga presyo sang bugas nga mabakal sa merkado.
Pasangkaron suno diri sang ahensya ang pagbantay sa mga produkto agud mapadayon ang programa sang gobyerno nga mag-angkon sang barato nga mabakal nga bugas.
Mahibaluan nga ginpakigbahin mismo ni Secretary Maria Cristina Roque, nga ila ginaduso ang implementasyon sang ginpasangkad nga pagmonitor sa balor sang mga nagapanguna nga produkto.
Kung sa diin, ginpabugal sini ang ila malapad nga ikasarang sa pagpatuman sini, may yara man sila sang mga regional kag provincial directors nga nakapreparar nga makigbahin sa plano sang ahensya.
Bangud diri, ginsiguro ni Roque nga ila ini pagahatagan sang prayoridad apisar nga ginsiling sini nga madamo na sila sang ginabantayan nga presyo sang nagkalain-lain nga mga produkto.
Ginsiguro man sini ang pakikipag-angut sang ila ahensya sa
Department of Agriculture (DA) sa programa nga barato nga bugas para sa publiko.
