Mas mataas nga kaltas sa bulanan nga kontribusyon sa Social Security System (SSS) sang mga pribado nga sektor ang magasugata sa bag-ong tuig.
Base sa anunsiyo gikan sa state-run pension fund, sumugod sa Enero 1, 2025, magataas sa 15% ang contribution rate sa SSS gikan sa 2023 contribution rate nga 14%.
Suno sa SSS, gintaasan ang contribution rate para mapataas ang revenues kag masiguro ang long-term stability.
Yara sa adjusted contribution rate ang tanan nga business employers kag employees, household employers kag workers ukon kasambahay, self-employed individuals, voluntary kag non-working spouse members kag land-based OFW members.
Para sa mga business employers kag employees, self-employed members, voluntary members, kag non-working spouse members, ang minimum Monthly Salary Credit (MSC) ang magataas sa P5,000, samtang ang maximum MSC, P20,000.
Para naman sa household employers kag workers, ang minimum MSC ang magataas sa P1,000, kun sa diin ang maximum, P20,000. Sa land-based OFW members naman, ang minimum MSC ang magataas sa P8,000, kun sa diin ang maximum sang MSC, P20,000.
