Nagapabilin sa gihapon ang masobra 115,000 pamilya sa mga evacuation center sa walo ka rehiyon kadungan sang pagsugod sang pagrekober sang pungsod gikan sa mga serye sang mabaskog nga bagyo nga nag-igo sa pungsod.
Suno kay Department of Social Welfare and Development (DSWD) Spokesperson Assistant Secretary Irene Dumlao, padayon ang pag-release sang gobyerno sang humanitarian assistance para sa mga apektado nga residente.
Pahayag sang opisyal nga napanagtag na ang yara sa 400,000 family food packs nga nagabalor sang P125 million humanitarian assistance sa mga lugar nga ginlaslas sang bagyo Nika, Ofel kag Pepito.
May yara man sang 1.3 million family food packs (FFPs) ang naka-preposition sa mga warehouse.
Nagpromisa man ang DSWD sang dugang nga 45,000 FFPs para sa probinsiya sang Catanduanes nga tuman nga naapektuhan sang bagyo Pepito.
