Yara sa risgo nga maka-eksperyensya sang mga pagtiphag sang duta kag pagbaha ang yara sa 5,688 barangay sa mga rehiyon nga ginalauman nga maapektuhan sang bagyong Kristine, suno sa Office of Civil Defense (OCD), sandig sa datos gikan sa Mines and Geosciences Bureau.
Ini ang sa tunga sang ginalauman nga pag-landfall sang bagyong Kristine sa sidlangan nga baybayon sang Cagayan sa adlaw sang Huwebes kag posible nga magtabok ini padulong sa hilagang Luzon.
Sa isa ka pahayag, ginsiling sang OCD nga ginmaduan na sini ang regional office na simulan ang paghanda para sa posible nga epekto sang bagyo, bangud ang mga rain band sang potensyal nga tropical cyclone amg posible nga magdala sang mahinay tubtob mabaskog nga pag-ulan sa may Bicol region, sa bahin sang Samar, kag iban pa nga mga lugar sumugod subong nga adlaw sang Martes.
Sandig man sa pagrekord gikan sa Department of Social Welfare and Development, yara sa masobra isa ka milyon nga indibidwal ang posible nga maapektuhan sang nasambit nga bagyo.
Kaangut sini, ginganyat naman ni OCD Administrator Undersecretary Ariel Nepomuceno ang mga komunidad nga vulnerable sa mga baha kag landslide nga sundon ang panawagan kag himuon ang mga kinahanglan nga paghanda sa epekto sang bagyo.
