ROXAS CITY – Nagapasalamat si Mayor elect Ronnie Dadivas sa kooperasyon nga ginhatag sang outgoing administration ni Mayor Alan Celino.
Ini kasunod sang turn over ceremonies nga ginpatigayon sa sangguniang panlungsod.
Apang aminado si Dadivas nga nadismaya ini, bangud madamo nga mga department head ang napaslawan nga makasumiter sang kumpleto nga dokumento kag kasubong nga indi sila preparado bisan sa pagsabat na gid lamang sang ila ginauyatan nga papeles, agud madepensahan ang kaundan sini.
Importante suno kay Dadivas nga hibaluon sang mga department heads ang ila obligasyon kag hibaluon kun diin nagkadto ang pondo sang nagkalain lain nga proyekto.
Nagalaom si Dadivas nga sa masunod nga semana makasumiter na ang mga department heads sang ila dokumento.
Mahibaluan nga ginpangita ini ni Dadivas agud mabal-an sini ang mga problema kag kakulangan sa siyudad para mahatagan sang solusyon sa pagpungko sini bilang bag-o nga alkalde sa masunod nga semana.
