ROXAS CITY – Ginpanindugan ni League of the Municipalities of the Philippines (LMP) Capiz Chapter kag Mambusao Mayor Leodegario ‘Jun’ Labao Jr. nga wala sang local transmission sa nasambit nga banwa.
Ini ang ginpahayag sang alkalde sang mainterview sang Bombo Radyo.
Suno diri nga sa 6 ka mga napagkit nga kaso sang coronavirus disease (COVID-19) sa banwa, ang mga locally-transmitted cases diri ang nakapadulong sa Roxas City.
Ginpahayag sini nga wala na sang iban pa nga napadulungan nga iban nga lugar ang nasambit nga mga persona gani posible sa siyudad nila ini nakuha bangud may yara diri sang local transmission.
Ang isa ka security guard nga taga-Barangay Bating suno kay Labao ang naga-trabaho man sa Roxas City gani posible diri niya man nakuha ang sakit.
Nagapabilin naman ang implementasyon sang skeletal workforce sa munisipyo sang banwa bangud sa pag-positibo sa amo nga sakit sang apat ka mga empleyado.
