Mexican influencer, patay matapos ginluthang samtang naga-livestream

Patay ang Mexican social media influencer matapos ginluthang samtang naga-livestream kaupod sa mga abyan sini sa guwa sang isa ka fast-food restaurant sa Culiacan, Mexico.

Ang biktima amo si Cesar Gastelum.

Si Gastelum ang kilala sa iya mga comedy videos sa TikTok kag may halos 600,000 ka followers.

Sa video sang livestream, nakita ang duha ka lalaki nga nagasakay sa motorsiklo nga nagpalapit sa ila antes ginluthang ang biktima.

Padayon naman ang pagpangita sa mga suspek agud makilala kag madakpan ang mga responsable sa krimen.

Ini ang ikaduha nga kaso sang influencer nga ginpatay samtang naga-livestream sa Mexico, matapos man ginluthang si Valeria Marquez sang Mayo 2025.