Nagpanagtag ang Department of Social Welfare and Development (DSWD) sang supply sang pagkaon kag non-food items sa mga biktima sang malapnagon nga pag-ulan kag pagbaha tuga sang bagyo Bising kag Habagat.
Suno kay DSWD Spokesperson Asec. Irene Dumlao, naghatag sang humanitarian assistance ang ahensya sa mga biktima sa Ilocos Sur, Nueva Ecija, Quezon, kag sa probinsya sang Benguet.
Ang iban sa ila gin-ibakwit bangud sa sunod-sunod nga pagtiphag sang duta, kag karon temporaryo nga nagapuyo sa mga evacuation center.
Sa subong, masobra na sa isa ka libo (P1,000) ka pamilya ang kumpirmado nga apektado sang baha. Ini ginabug-usan sang masobra tatlo ka libo (3,000) ka mga tawo.
Suno kay Dumlao, padayon pa nga nagakoordinar ang ahensya sa iban pa nga lokal nga panguluhan nga nakarehistro sang mga biktima sang bagyo kag pagbaha agud gilayon nga masabat ang ila mga kinahanglanon.
Padayon suno sa iya ang monitoring bangud sa subong may yara pa sang mga lugar nga naga-eksperyensya sang serye sang ulan nga nagatuga sang pagbaha sa nagkalain-lain nga lugar.
