Mga commuters sa syudad sang Roxas, naga-agunto sa possible pagsaka sang pletehan

Naga-agunto ang pila ka mga commuters sa posible pagsaka sang presyo sang pletehan.

Sa interview sang Bombo Radyo kay Max Francisco, isa ka commuter, iya ginpahayag nga dako gid ang epekto sang pagsaka sang presyo sang gasolina sa iya bangud posible man nga magtaas ang pletehan.

Suno kay Francisco, permi ini nagabiyahe gikan sa syudad sang Roxas pakadto sa Iloilo, gani dugang nga gastos para sa iya ang pagsaka sang presyo sang gatong.

Nagalaum man ini nga may yara sang nagaka-igo nga tikang ang gobyerno agud mapunggan ang tuman nga pagsaka sang presyo sang gatong agud indi matam-an ang mga commuters.