Mga indibidwal nga napatay sa airstrike sang US sa mga barko sang Venezuela, nagsaka na sa 87

Naglab-ot na sa 87 ang napatay sa ginpabaskog nga operasyon sang US sa Caribbean Sea.

Sugod sang paglunsar sang “Operation Southern Spear” sang Septyembre, 23 ka mga sakayan pandagat nga nagabaligya sang droga sa Caribbean kag sidlangan nga Pasipiko ang nalugdang sang mga airstrikes sang US.

Kalabanan sa 23 ka separado nga airstrikes sang US ginhimo sa kadagatan malapit sa Venezuela kag Colombia.

Ginakabig naman sang US nga “narco-terrorists” ang mga tawo nga sakay sang mga sakayan nga ila ginpalugdang.

Madumduman nga nagdeploy na ang US sang ila warship sa lugar agud lubos nga mamonitor ang paglapta sang iligal nga druga sa nasambit nga lugar.