ROXAS CITY -Suportado sang mga kapulisan sa siyudad sang Roxas pananglitan nga mangin isa na ka layi ang House Bill No. 6875 ukon Anti-Terror Bill of 2020.
Ini ang ginpahayag ni Police Master Sergeant Ramil Arcangeles sang mainterview sang Bombo Radyo.
Ginpahayag ni Arcangeles nga dako ang bulig sini sa pagpa-intindi sa publiko ilabi na sa mga pamatan-on nga masami nagapakigbahin sa mga hublag protesta.
Apang sa likod sini suno kay Arcangeles amo ang pagrecruit sa nasambit nga pamatan-on sa hanay sang mga rebelde nga grupo.
Magluwas diri, suno sa kay Arcangeles nga makabulig man ini nga mahatagan sang ideya ang mga pamatan-on sa ila mga responsibilidad sa pagpatigayon sang mga hublag protesta.
Samtang ginpahayag man ni Arcangeles nga nagapadayon ang pagpanagtag sang mga kapulisan sa siyudad sang mga flyers sa publiko natuhoy sa House Bill 6875 ukon Anti-Terror Bill of 2020.
